側田宣佈將於今年6月舉行紅館騷,將會係入行14年嘅第8個紅館演唱會。雖然距離上次紅館騷只有一年幾,不過fans唔洗擔心今次嘅歌單會重覆,因為側田話今次係全新製作,更有兩首期間限定新歌,只會係嚟緊嘅紅館騷演唱。而且側田話今次將會係四面台演出,應該會幾好玩,自己都好期待快啲唱歌俾大家聽!佢仲提大家記住準時入場,因為今次演唱會將會以故事形式進行,而Opening會係一個超大驚喜,而且錯過咗就會唔知成個故事講咩嫁喇!